នាព្រឹកថ្ងៃទី២២ ខែមករា ឆ្នាំ២០២២ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញជាអធិបតីបើកវិញ្ញាសាប្រឡងយកវិញ្ញាបនបត្រពុទ្ធិកបឋមសិក្សា សម័យប្រឡងថ្ងៃទី២២-២៣ ខែមករា ឆ្នាំ២០២២ នៅមណ្ឌលប្រឡងពុទ្ធិកវិទ្យាល័យ ជុំគ្រៀលកំពត ស្ថិតនៅវត្តជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ។ ដោយបានការចូលរួមពី ឯកឧត្តម ជឹង ផល្លា ប្រធានក្រុមប្រឹក្សាខេត្ត គណៈអភិបាលរងខេត្ត លោក លោកស្រីប្រធានមន្ទីរអង្គភាពនានាជុំវិញខេត្ត និងមានការនិមន្ត-ចូលរួមជាព្រះគណៈអធិបតី ព្រះសុសីលវង្ស ញ៉ែត ចន្ទតារា ព្រះរាជាថ្នាក់កិត្តិយស និងជាព្រះជលធីវាសី ព្រះមេគណខេត្តកំពត ព្រះរាជាគណៈ ព្រះមន្រ្ដីសង្ឃ ជាព្រះសហការីព្រះមេគុណខេត្តកំពត ព្រះគ្រូអនុគណស្រុក និងសហការី ព្រះនាយក នាយករង ព្រមទាំងមានការនិមន្ត-អញ្ជើញចូលរួមពីព្រះមន្ត្រីសង្ឃ និងមន្ត្រីរាជការ ជាគណៈកម្មការប្រឡងទាំងអស់។ សូមជម្រាបជូនថា ឆ្នាំនេះ មានបេក្ខសមណ:-បេក្ខជន បានដាក់ដាក់សុំសិទ្ធិប្រឡងយកវិញ្ញាបនបត្រពុទ្ធិកបឋមសិក្សាចំនួន១៧០ អង្គ-នាក់ ដោយនិមន្តមកអំពីខេត្តចំនួន៣ គឺខេត្តកំពត ១៣៧ អង្គ/នាក់ ខេត្តកែប ០៧ អង្គ/នាក់ និងខេត្តព្រះសីហនុ ចំនួន ២៦ អង្គនាក់ ៕