Thursday, October 21, 2021

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ


ភ្នំពេញ÷បុរសម្នាក់បើករថយន្តមួយគ្រឿងក្នុងល្បឿនលឿនមិនប្រយ័ត្ន ស្រាប់តែរេចង្កូតទៅបុករះចូលតូបលក់អីវ៉ាន់ចាប់ហួយនិងភេសជ្ជៈការខូចខាតអស់ទាំងស្រុង សំណាងល្អមិនបង្កឲ្យម្ចាស់តូបនឹងអ្នកជិតខាងរោងការគ្រោះថ្នាក់នោះទេ ។ ហេតុការណ៍គ្រោះថ្នាក់ចរាចរណ៍គួរឲ្យភ្ញាក់ផ្អើលមួយនេះបានកើតឡើងកាលពីវេលាម៉ោង០៤នឹង២០នាទីល្ងាច ថ្ងៃទី២១ ខែតុលា ឆ្នាំ២០២១ សិ្ថតតាមបណ្ដោយផ្លូវលេខ១១២ ក្នុងសង្កាត់ដេប៉ូទី៣ ខណ្ឌទូលគោក រាជធានីភ្នំពេញ ។ 


យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលហេតុការណ៍នេះបានកើតឡើងគេបានឃើញបុរសម្នាក់បើករថយន្តម៉ាកហ្វត ពាក់ស្លាកលេខរដ្ឋ ពណ៌ប្រផេះមួយគ្រឿង បើកធ្វើដំណើរតាមបណ្ដោយផ្លូវលេខ១១២ ក្នុងល្បឿនលឿន ខណៈពេលមកដល់ត្រង់ចំណុចកើតហេតុខាងលើ ស្រាប់តែរេចង្កូតមកខាងចិញ្ចើមផ្លូវ ជ្រុលទៅបុករះចំតូបលក់ភេសជ្ជៈអីវ៉ាន់ចាប់ហួយរោងការខូចខាតអស់ស្ទើរតែទាំងស្រុង សំណាងល្អអ្នកបើកបររួមជាមួយនឹងម្ចាស់តូបរួចផុតពីគ្រោះថ្នាក់ភ័យព្រលឹងចុងសក់ ម្ចាស់រថយន្តបង្កដែលមានពាក់ស្លាកលេខរដ្ធនោះបានធ្វើការហាមឃាត់មិនឲ្យអ្នកសារព័ត៌មានណាម្នាក់ចូលទៅក្បែដើម្បីធ្វើការផ្សព្វផ្សាយនិងផ្តិតយករូបភាពនៅកៀកនឹងកន្លែងកើតហេតុនោះទេ។ ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ត្រួតពិនិត្យមើលរួចរាល់ក៏បានទុកពេលវេលាឲ្យភាគីទាំងពីរធ្វើការចចារគ្នាអស់រយៈពេលជិតកន្លះម៉ោងទើបភាគីខាងរថយន្តបង្កព្រមសងជាសំណងរាល់ការខូចខាតទាំងអស់នោះទៅឲ្យជនរងគ្រោះដើម្បីបញ្ចប់រឿងនៅនឹងកន្លែងកើតហេតុ។

សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136