ភ្នំពេញ៖ បុរស់២នាក់ត្រូវជនមិនស្គាល់មុខធាក់ម៉ូតូផ្តួល កាលពីថ្ងៃទី២៨ ខែកញ្ញា ឆ្នាំ២០១៨ ត្រង់ចំណុចខាងត្បូងមន្ទីរពេទ្យព្រះកុសុម: តាមបណ្ដោយផ្លូវ២៧១ ស្ថិតក្នុងសង្កាត់ទឹកថ្លា ខណ្ឌសែនសុខ។ មុនពេលកើតហេតុគាត់និងបុរសម្នាក់ទៀតជាមិត្តភក្តិនិងគ្នា បានជិះម៉ូតូមួយគ្រឿងម៉ាក ស៊ុយសាគីនិច ពណ៌ខ្មៅ ពាក់ស្លាកលេខ ភ្នំពេញ 1GU-1326 ដែលទើបតែជិះចេញពីកន្លែងផឹកស៊ីជាមួយមិត្តភក្តិនៅម្តុំផ្សារដីហុយ ហើយបម្រុងជិះត្រឡប់ទៅផ្ទះវិញ។
ដោយធ្វើដំណើរតាមបណ្ដោយផ្លូវលេខ២៧១ ក្នុងទិសដៅពីជើងទៅត្បូង និងក្នុងល្បឿនលឿន។ លុះមកដល់ចំណុចកើតហេតុក៏ស្រាប់តែលេចមុខជនមិនស្គាល់មុខចំនួន២នាក់ជិះម៉ូតូមួយគ្រឿងមិនចាំម៉ាក មកពីក្រោយហើយក៏បានធ្វើសកម្មភាពលើកជើងធាក់ទៅលើម៉ូតូរបស់ពួកគេបណ្តាលឲ្យដួលរងការខូចខាត និងអ្នកបើកបររងរបួសបាក់ដៃខាងឆ្វេង។
ចំណែកឯអ្នកអង្គុយខាងក្រោយរងរបួសស្រាល ដោយឡែកជនមិនស្គាល់មុខចំនួនពីរនោះបានបន្ថែមល្បឿនជិះរត់គេចខ្លួនបាត់ស្រមោល។ បុរសរងគ្រោះទាំង២ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯគ្លីនិកហុងហាក់ ។
Tags:
ព័ត៌មានជាតិ