សូមស្វាគមន៍អត្តពលិកអ្នកស្នេហ៍កីឡាជិះកង់ចំងាយឆ្ងាយមកកាន់ខេត្តក្រចេះ!

អត្តពលិកអ្នកស្នេហាវិស័យកីឡាជិះកង់គ្រប់ក្រុមបានរៀបចំព្រឹត្តិការណ៍កីឡាជិះកង់ ចម្រុះរួមគ្នាមួយឡើង ដែលព្រឹត្តិការណ៍នេះមានឈ្មោះថា AUDAX CAMBODIA លើចម្ងាយផ្លូវ២០០គីឡូម៉ែត្រ ដោយធ្វើដំណើរពី(ភ្នំពេញ-កណ្តាល-កំពង់ចាម និងបញ្ចប់នៅខេត្តក្រចេះ) ដើម្បីជាការរួមចំណែកលើកស្ទួយដល់វិស័យកីឡា ឱ្យមានការរីកចម្រើនស្របតាមពាក្យស្លោក “កីឡារស់ក្នុងសន្តិភាព SPORTS LIVE IN PEACE" ។

 ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាននិងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងក្រចេះ និងឯកឧត្តម ទន់ សារ៉ាត់ ប្រធានក្រុមការងារគណបក្សចុះមូលដ្ឋានក្រុងក្រចេះ តំណាងខ្ញុំប្រធានក្រុមការងារ និងតំណាងឯកឧត្តមអភិបាលនៃគណៈអភិបាលខេត្ត បានទទួលស្វាគមន៍ក្រុមអត្តពលិកយ៉ាងកក់ក្តៅ។