នារសៀលថ្ងៃចន្ទ ១៤កើត ខែជេស្ឋ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៣ ខែមិថុនា ឆ្នាំ២០២២ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈកម្មាធិការកាកបាទក្រហមកម្ពុជារាជធានីភ្នំពេញ បានអញ្ជើញទទួលអំណោយដ៏ថ្លៃថ្លារបស់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នូវថវិកាចំនួន ៣០០.០០០ដុល្លារ និងអនុសាខាកាកបាទក្រហមកម្ពុជាខណ្ឌនីមួយៗទទួលបានអង្ករចំនួន ៩តោន ក្រោមអធិបតីភាពលោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា ដើម្បីទុកសម្រាប់ប្រើប្រាស់កិច្ចការមនុស្សធម៌។
