កំពង់ស្ពឺ៖ នៅថ្ងៃទី១១ ខែឧសភា ឆ្នាំ២០២២ វេលាម៉ោង១១និង៣០នាទី កម្លាំងអធិការដ្ឋាននគរបាលស្រុកគងពិសី បានឃាត់ខ្លួនជនសង្ស័យចំនួនពីរនាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន នៅចំណុចភូមិត្រពាំងចក ឃុំមហាឫស្សី ស្រុកគងពិសី ខេត្តកំពង់ស្ពឺ។
ជនសង្ស័យទី១-ឈ្មោះ ងួន ម៉ឺន ភេទប្រុស អាយុ៤០ឆ្នាំ ទី២-ឈ្មោះ ខែម ម៉ៅភ័ក្រ ភេទប្រុស អាយុ ២៨ឆ្នាំ ទាំង២នាក់នៅភូមិត្រពាំងចក ឃុំមហាឫស្សី ស្រុកគងពិសី ខេត្តកំពង់ស្ពឺ។
សមត្ថកិច្ចដកហូតវត្ថុតាងរួមមាន៖ ម្សៅក្រាមពណ៌សថ្លាសង្ស័យជាគ្រឿងញៀន ២២កញ្ចប់ (២១តូច និង ១មធ្យម) ទម្ងន់ក្រាម, ជញ្ជីងថ្លឹងគ្រឿងញៀន១, ទូរស័ព្ទ២គ្រឿង រួមនឹងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី ៕
