រថយន្តទំនើបបុកបារ៉ាសការដ្ឋានសាងសង់ស្ពាន នៅក្បែរសាលាក្រុងព្រះសីហនុ.!

បុរសជនជាតិចិនម្នាក់បើករថយន្ដទំនើបម៉ាក Audi A7 ក្នុងល្បឿនលឿនរេចង្កូតបុកបារ៉ាសការដ្ឋានសាងសង់ បណ្ដាលឲ្យរងរបួសធ្ងន់។

អ្នកឃើញហេតុការណ៍បានឲ្យដឹងថា មានរថយន្ដស៊េរីទំនើប ១គ្រឿងម៉ាក Audi A7 ពណ៌ស ពាក់ស្លាកលេខភ្នំពេញ2BP-9869 បើកដោយបុរសជនជាតិចិន ធ្វើដំណើរតាមបណ្ដោយផ្លូវ ៨០០ ក្នុងទិសដៅពីលិចទៅកើត។

ចំណែករថយន្ដខូចខាតយ៉ាងដំណំនៅព្រឹក ថ្ងៃទី ២៤ ខែសីហា ២០២២ តាមបណ្ដោយផ្លូវលេខ ៨០០ ម្ដុំអូរ២ ស្ថិតក្នុងសង្កាត់លេខ៤ ក្រុង ព្រះសីហនុ ខេត្តព្រះសីហនុ។

នៅពេលបើកទៅដល់កន្លែងកើតហេតុដោយបើកក្នុងស្ថានភាពលឿនក៏បានរេចង្កូតទៅបុកបារ៉ាសការដ្ឋានសាងសង់ស្ពានបណ្ដាលឲ្យអ្នក បើក រងរបួសត្រូវបញ្ជូនទៅមន្ទីរពេទ្យដើម្បីសង្គ្រោះភ្លាមៗ ចំណែករថយន្ដរងការខូចខាតយ៉ាងដំណំ។ ជុំវិញករណីនេះគឺមិនបណ្ដាលឲ្យមានមនុស្សផ្សេងទៀតរងរបួសឡើយ៕