ភ្នំពេញ៖ សមត្ថកិច្ចជំនាញ ការិយាល័យ ស្រាវជ្រាវបទល្មើសព្រហ្មទណ្ឌ កងរាជអាវុធ ហត្ថរាជធានីភ្នំពេញ បានបញ្ជូនជនសង្ស័យ ០១នាក់ ជាចោរ ឆ្លៀតឱកាសពួនស្ទាក់ប្លន់ប្រជាពលរដ្ឋនៅកន្លែងស្ងាត់ ទៅតុលាការ ដើម្បីផ្តន្ទាទោសតាមច្បាប់ នៅថ្ងៃទី១៣ ខែឧសភា ឆ្នាំ២០១៩ ។
ករណីនេះកើតឡើងកាលពីថ្ងៃទី០៨ ខែឧសភា ឆ្នាំ២០១៩ វេលាម៉ោង២១:១៥ នាទី នៅចំណុចផ្លូវបេតុង ភូមិដំណាក់ធំ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ជនសង្ស័យឈ្មោះ ជា ចាន់ចាំ ភេទប្រុស អាយុ៣០ឆ្នាំ បានធ្វើសកម្ម ភាពពួនស្ទាក់ និងយកដុំថ្មគប់ទៅលើប្រជា ពលរដ្ឋដែលធ្វើដំណើរឆ្លងកាត់នៅកន្លែង
ងងឺតស្ងាត់ នៅចំណុចខាងលើ ដើម្បីប្លន់ទ្រព្យសម្បត្តិមានតម្លៃពីប្រជាពលរដ្ឋ តែត្រូវបានកម្លាំងល្បាតមូលដ្ឋានអាវុធហត្ថខណ្ឌ មានជ័យឃើញ បានឃាត់ខ្លួនយកមក ទី បញ្ជាការកងរាជអាវុធហត្ថរាជធានីភ្នំពេញ។
Tags:
ព័ត៌មានជាតិ