Friday, February 22, 2019

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ


 
កំពង់ធំ៖ ករណីមនុស្សស្លាប់ដោយឆ្លងចរន្តអគ្គិសនី នៅភូមិវាំងខាងត្បូង ឃុំតាំងក្រសាំង ស្រុកសន្ទុកខេត្តកំពង់ធំ។ សពជន​រងគ្រោះ ឈ្មោះស៊ុន រ័ត្ឋ ភេទប្រុសអាយុ35ឆ្នាំ ជនជាតិខ្មែរមុខរបរជាងផ្សារដែកមានទីលំនៅភូមិត្រើយម៉្យាប ឃុំប្រាសាទ ស្រុកសន្ទុក ខេត្តកំពង់ធំ។ ដឹងកេីតហេតុនៅថ្ងៃទី20 ខែកុម្ភៈ ឆ្នាំ 2019 វេលាម៉ោង16និង20នាទី នៅភូមិកើតហេតុខាងលើ។
 
 តាមការបំភ្លឺរបស់សាក្សី 1/.ឈ្មោះ សំ សារ៉ាត់ ភេទប្រុស អាយុ30ឆ្នាំនៅភូមិសំពុង ឃុំប្រាសាទ ស្រុកសន្ទុក ខេត្តកំពង់ធំ 2/.ឈ្មោះទិញ មឿក ភេទប្រុស អាយុ22ឆ្នាំនៅភូមិវាំងខាងត្បូង ឃុំតាំង ក្រសាំង ស្រុកសន្ទុកខេត្តកំពង់ធំ ។ បានបំភ្លឺថា ខ្លួននិងជនរងគ្រោះបានទៅធ្វើដំបូលផ្ទះឲ្យឈ្មោះ អ៊ូ ប៊ុន ណារិទ្ធិ ភេទប្រុស អាយុ 47ឆ្នាំនៅ ភូមិកើតហេតុខាងលើ។ ពេលកំពុងតែបាញ់វីសប្រក់ដំបូលផ្ទះ មានកំពស់3ម៉ែត្រ ក៏ស្រាប់តែឆ្លងចរន្តអគ្គិសនីពីឧបករណ៍ម៉ូទ័របាញ់វិសកាន់នឹងដៃ បណ្ដាលឲ្យជនរងគ្រោះ ឈ្មោះស៊ុន រដ្ឋនេះប្រកាច់ធ្លាក់ពីលើដំបូលផ្ទះធ្លាក់មកដី បណ្ដាលឲ្យរងរបួសធ្ងន់ ឃើញដូច្នេះក៏នាំ​គ្នាយកជនរងគ្រោះទៅ​កាន់មណ្ឌលសុខភាពតាំងក្រសាំង ពេលដល់ពេទ្យ ជនរងគ្រោះបានស្លាប់ហើយ ដោយសាររង របួសធ្ងន់ពេក។

កម្លាំងជំនាញ បានសហការជាមួយ ប៉ុស្តិ៍នគរបាលរដ្ឋបាល បានទៅពិនិត្យជនរងគ្រោះ នៅក្នុងមណ្ឌលសុខភាព តាំងក្រសាំង ដោយមានគ្រូពេទ្យនៅទីនោះចូលរួមពិនិត្យដែរ។ ការពិនិត្យសាកសព មានស្នាម របួសនៅលើថ្ពាល់ខាងស្តាំ នៅលើជង្គង់ខាង​ឆ្វេងមានស្នាមរបួសចេញឈាមនៅនិង ក (សង្ស័យធ្លាក់បាក់ក)។

ពិនិត្យចប់យើងបានធ្វើកំណត់ហេតុប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី។ ការសន្និដ្ឋាន ជនរងគ្រោះ ពិតជាឆក់ ខ្សែភ្លើង ឆ្លងពីឧបករណ៍ម៉ូទ័រ ធ្លាក់ពីលើដំបូលផ្ទះបណ្ដាលឱយបាក់កស្លាប់ ។



សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136