Monday, November 05, 2018

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ



តាកែវ៖ អ្នកបើកបរម៉ូតូ និងអ្នករួមដំណើរម្នាក់ទៀត បានរងរបួសធ្ងន់ ខណៈកំពុងជិះម៉ូតូសុខៗ ត្រូវរថយន្តទំនើបមួយគ្រឿង ក្នុងទិសដៅផ្ទុយគ្នា បុកពេញទំហឹង កាលពីវេលាម៉ោង១១ និង១០នាទី ថ្ងៃទី៤ ខែវិច្ចិកា ឆ្នាំ២០១៨ នៅលើកំណាត់ផ្លូវជាតិលេខ២ ចន្លោះបង្គោលគីឡូម៉ែត្រលេខ៧១-៧២ ស្ថិតនៅភូមិអូរស្វាយចេក សង្កាត់រកាក្នុង ក្រុងដូនកែវ ខេត្តតាកែវ។


 តាមការឲ្យដឹងពីមន្រ្តីប៉ូលិសក្រុងដូនកែវ បានប្រាប់ថា រថយន្តបង្ក ម៉ាក TOYOTA FORD RANGER ពាក់ស្លាក់លេខ ភ្នំពេញ 2AS-0222 បើកបរដោយឈ្មោះ ប៉ាល់ ទិត្យវីរៈ ភេទប្រុស អាយុ៣២ឆ្នាំ មុខរបរ ជាមន្ត្រីរាជការ (មិនបានរងរបួសនោះទេ) រស់នៅសង្កាត់ផ្សារដើមគរ ខណ្ឌទួលគោក រាជធានីភ្នំពេញ។


 ចំណែកភាគីម៉ូតូរងគ្រោះ ម៉ាកហុងដា សេ១២៥ ស៊េរីឆ្នាំ២០១៨ ពាក់ស្លាក់លេខ តាកែវ 1Q-7564 បើកបរដោយឈ្មោះ ខា សុបញ្ញា ភេទប្រុស អាយុ១៧ឆ្នាំ រងរបួសបាក់ភ្លៅខាងស្តាំ និងអ្នករួមដំណើរម្នាក់ទៀត មានឈ្មោះ ខា កក្កដា ភេទប្រុស អាយុ១៩ឆ្នាំ រងរបួសធ្ងន់ ទាំងពីរនាក់ រស់នៅភូមិខ្វាវ ឃុំលំចង់ ស្រុកសំរោង ខេត្តតាកែវ។


 អ្នកឃើញហេតុការណ៍ផ្ទាល់ បានប្រាប់ឲ្យដឹងថា ភាគីរថយន្តធ្វើដំណើរពីជើងទៅត្បូង លុះមកដល់ចំណុចកើតហេតុ បានបុកជាមួយនិងភាគីម៉ូតូ ដែលបើកបរពីត្បូងទៅជើងពេញទំហឹងលាន់ដូចរន្ទះ បណ្តាលឲ្យអ្នកបើកបរម៉ូតូ និងអ្នករួមដំណើររងរបួសធ្ងន់ទាំងពីរនាក់ តែម្តងទៅ។




សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136