ឧត្តមសេនីយ៍ទោ ផ្កាយ២ ម្នាក់លួចមានស្រី ត្រូវប្រពន្ធតាមទាន់ និងវាយបំបែកកញ្ចក់រថយន្ដ

ភ្នំពេញ៖ លោកឧត្តមសេនីយ៍ទោ ឡុង ទិត្យ លួចមានស្រីថ្មី មកសង្ងំសោយសុខជាមួយគ្នា ដោយលួចលាក់ ទើបតែតាមទាន់ ផ្ទុះហឹង្សា វ៉ៃបែកខ្ទេចកញ្ចក់រថយន្តឡិចសុីស៥៧០ និងទ្វារផ្ទះ ដែលប្តីកំពុងសង្ងំដេកសោយសុខ ជាមួយស្រីកំណាន់ បង្កឲ្យភ្ញាក់ផ្អើលកាលពីវេលាម៉ោង៩និង៣០នាទីយប់ថ្ងៃទី២៥ ខែកញ្ញា ឆ្នាំ២០១៨ នៅផ្ទះលេខ៦អ៊ែ ផ្លូវលេខ៥ បុរីលឹម ឈាងហាក់ ភូមិម័រ សង្កត់ដង្កោ ខណ្ឌដង្កោ ។

 សង្គ្រាមហឹង្សាក្នុងវង្វង់គ្រួសារខាងលើ ភាគីខាងប្រពន្ធដើមលើកគ្នាជាច្រើននាក់រួមទាំងសាច់ញាតិ ខាងប្តីផងដែរ ក្រោយពីតាមទាន់ លោកប្តីមានស្រី សង្ងំដេកសោយសុខ ក្នុងផ្ទះល្វែង នៅទីតាំងខាងលើ ក្នុងសម្រែកស្រែកយំរបស់ស្រ្តីជាប្រពន្ធដើម ។ តាមស្រ្តីឈ្មោះ ពេជ្រ ណារី អាយុ៣៧ឆ្នាំ មុខរបរ លក់រថយន្ត មានទីលំនៅ ផ្លូវជាតិលេខ៤ ភូមិជម្ពូវ័ន សង្កាត់ចោមចៅ៣ ខណ្ឌពោធិសែនជ័យ បានអះអាងថា គាត់ត្រូវជាប្រពន្ធដើម រៀបការស្របច្បាប់ អស់រយះពេល១០ឆ្នាំមកហើយ ជាមួយលោក ឡុង ទិត្យ អាយុ៤០ឆ្នាំ មានឋានន្តរសក្តិ ជាឧត្តមសេនីយ៍ទោ អាវុធហត្ថលើផ្ទៃប្រទេស និងជាថៅកែ ក្រុមហ៊ុនអចលនទ្រព្យ ទិញលក់ដី ផ្ទះល្វែង ។