ព្រះវិហារ៖ កាលពីថ្ងៃទី២៦ ខែកញ្ញា ឆ្នាំ២០១៨ យ៉ាងហោចណាស់មនុស្ស៣នាក់បានរងរបួសធ្ងន់ស្រាល និងគោយន្តកន្ត្រៃ១គ្រឿង រងការខូចខាតទាំងស្រុង ក្រោយហេតុការណ៍ផ្ទុះមីន១គ្រាប់ ដែលសល់ពីសម័យសង្គ្រាម នៅត្រង់ចំណុចវាលចៀស ស្ថិតក្នុងភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ ។
ជនរងគ្រោះ ទី១.ឈ្មោះ គឹម សុភ័ត្ត្រា ភេទប្រុស អាយុ៣៣ឆ្នាំ, ទី២.ឈ្មោះ ទិត រិទ្ធី ភេទប្រុស អាយុ៤៣ឆ្នាំ និងទី៣.ឈ្មោះ ភឿន សុភាព ភេទប្រុស អាយុ៣០ឆ្នាំ រស់នៅស្រុកត្រពាំងប្រាសាទ ខេត្តឧត្ដរមានជ័យ ហើយពីនាក់ខាងលើមកពីស្រុកគូលែន ខេត្តព្រះវិហារ។ អ្នកទាំង៣ មកស្នាក់នៅ និងរកស៊ីនៅចំណុចទីតាំងភូមិឃុំកើតហេតុខាងលើ។ ជនរងគ្រោះទាំង៣ ត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែក១៦មករាខេត្តព្រះវិហារ។
Tags:
ព័ត៌មានជាតិ