ខេត្តបន្ទាយមានជ័យ ៖ ថ្ងៃទី១៩ ខែកញ្ញា ឆ្នាំ២០១៨ បង្ក្រាបគ្រឿងញៀន ដកហូតវត្ថុតាងគ្រឿងញៀនជាង២គីឡូក្រាម នឹងកាំភ្លើងម៉ាកឡុក៣ដើម កាំភ្លើងប្រើខ្យល់១ដើម និងមានរថយន្ត២គ្រឿង ក្រោមការដឹកនាំកម្លាំងបញ្ជាផ្ទាល់ដោយលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងលោកមាស ច័ន្ទពិសិដ្ឋ ដែលជាព្រះរាជអាជ្ញាអមសាលាដំបូងខេត្តបន្ទាយមានជ័យ បានចេញប្រតិបត្តិការ នឹងបង្ក្រាបជនសង្ស័យជួញដូរគ្រឿងញៀនប្រុសស្រី៥នាក់នោះ ចំណាយពេល២ថ្ងៃចុងក្រោយធ្វើនៅក្នុងភូមិសាស្ត្រក្រុងសិរីសោភ័ណ និងបន្តឈានទៅបង្ក្រាបផ្ទះជួលជនសង្ស័យ ដល់ទឹកដីក្រុងសៀមរាបខេត្តសៀមរាបរកឃើញគ្រឿងញៀនលាក់ទុកក្នុងបន្ទប់ជាង២គីឡូក្រាមនោះ ។
កម្លាំងនគរបាលបង្ក្រាបជនសង្ស័យគ្រឿងញៀនទាំង៥នាក់ជាបក្ខពួក និងជាមេខ្លោងគ្រឿងញៀនធំបានសម្រេចនៅពេលនេះក្រោយពីកម្លាំងនគរបាលបានស្រាវជ្រាវស៊ើបអង្កេតរយៈពេល១ខែមកហើយប្រើប្រាស់វិធានការសម្ងាត់តាមរយៈមុខសញ្ញាជនសង្ស័យគ្រឿងញៀនដែលបានបង្ក្រាបកន្លងមកនៅក្នុងខេត្តបន្ទាយមានជ័យ ។
ជនសង្ស័យគ្រឿងញៀងទាំងនេះជាមុខសញ្ញាជួញដូរលក់ចែកចាយគ្រឿងញៀនចំនួន៣ខេត្តគឺខេត្តបន្ទាយមានជ័យ សៀមរាប និងខេត្តបាត់ដំបង ។
ការបង្ក្រាបសមត្ថកិច្ចដកហូតបានគ្រឿងញៀនមេតំហ្វេតាមីនwy៨៧៦៤គ្រាប់ស្មើទម្ងន់ ៧៩៩,៩៤ក្រាម, ថ្នាំញៀនមតំហ្វេតាមីនទឹកកកទម្ងន់១៩៩៥,០១ក្រាម, ថ្នាំញៀនកេតា មីន៨,៥១ក្រាម ថ្នាំគ្រាប់អ៊ិចស្រា្តស៊ីទម្ងន់២,៩៦ក្រាម,ជញ្ជីងថ្លឹងគ្រឿងញៀន៤គ្រឿង, អាវុធខ្លី៤ដើម ក្នុងនោះអាវុធខ្យល់១ដើម,រថយន្តចំនួន២គ្រឿង ។
Tags:
ព័ត៌មានជាតិ