ក្តៅៗ ប្តីប្រពន្ឋ កុនលុយចាយ ចេញឌុបគ្នាមកឆក់កាបូបស្ត្រីម្នាក់បានសម្រេច ត្រូវបានជាប់ខ្នោះ

ជនសង្ស័យប្រុសស្រី២នាក់ ជាប្តីប្រពន្ឋ ត្រូវបានសមត្ថកិច្ចប៉ុស្តិ៍ចតុមុខ ចាប់វាយខ្នោះទាំង២នាក់ បន្ទាប់ពីធ្វើសកម្មភាពឆក់កាបូប ពីស្ត្រីរងគ្រោះម្នាក់បានសម្រេច តែព្យាយាមគេចមិនផុត ។ កាលពីវេលាម៉ោង៤រសៀល ថ្ងៃទី៩ ខែកក្កដា ឆ្នាំ២០១៧ ស្ថិតតាមបណ្តោយផ្លូវព្រះស៊ីសុវត្ថិ ទល់មុខសណ្ឋាគារកាំបូឌីយ៉ាណា ក្នុងសង្កាត់ចតុមុខ ខណ្ឌដូនពេញ ។

សមត្ថកិច្ចបានឲ្យដឹងថា ស្ត្រីរងគ្រោះជាម្ចាស់កាបូបមានឈ្មោះម៉ឺ ម៉ារីយ៉ា អាយុប្រហែល៥០ឆ្នាំ ស្នាក់នៅសង្កាត់ទំនប់ទឹក ខណ្ឌចំការមន។
រីឯជនសង្ស័យទាំង២នាក់ប្តីប្រពន្ធដែលឃាត់ខ្លួនបានខាងលើនេះ មានឈ្មោះ នី ស្រីនាង ភេទស្រី អាយុ១៨ឆ្នាំ មុខរបរកម្មកររោចក្រ ស្នាក់នៅម្តុំចំការដូង ខណ្ឌដង្កោ មានស្រុកកំណើតនៅភូមិអង្គឬស្សី ស្រុកស្វាយជ្រំខេត្តស្វាយរៀង ។