ក្រុមការងារ អាវុធហត្ថខណ្ឌកំបូល ចូលរួមរំលែកទុក្ខដល់គ្រួសារលោកមេបញ្ជាការរងខណ្ឌ ដែលភរិយារបស់លោកទទួលមរណៈភាព!

នៅថ្ងៃទី០១ ខែធ្នូ ឆ្នាំ២០២៤ លោកវរសេនីយ៍ទោ ឈៀង ចាន់ថុល មេបញ្ជាការមូលដ្ឋានអាវុធហត្ថខណ្ឌកំបូល បានចាត់តំណាងនាំយកថវិកាដែលបានចូលរួមពី នាយ-នាយរង នៃអាវុធហត្ថខណ្ឌ ក្នុងស្មារតីសាមគ្គីភាព សរុបចំនួន ២,៦៩០,០០០៛, ភេសជ្ជៈចម្រុះ ៤៣កេស ចូលរួមរំលែកទុក្ខដ៏ក្រៀមក្រំដល់គ្រួសារ លោកអនុសេនីយ៍ឯក ឃុត វណ្ណា មេបញ្ជាការរងខណ្ឌ ដែលភរិយារបស់លោកទទួលមរណៈភាព ដោយរោគាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕