-កាលពីថ្ងៃសៅរ៍១២កេីត ខែជេស្ឋឆ្នាំខាលចត្វាស័កព.ស.២៥៦៦ត្រូវនឹងថ្ងៃទី១១ខែ មិថុនា ឆ្នាំ២០២២ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង រួមទាំងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯក សុខ និមល នាយការិយាល័យនគរបាលប្រឆាំងគ្រឿងញៀនបានដឹកនាំកម្លាំង ការិយាល័យប្រឆាំងគ្រឿងញៀនរួមជាមួយ កម្លាំងក្រុមអន្តរាគមន៍ ប្រឆាំងបទល្មើស នៃស្នងការដ្ឋាននគរបាលខេត្តបាត់ដំបង និងកម្លាំងនគរបាលនៃអធិការដ្ឋសននគរបាលក្រុងបាត់ដំបងដែលមានលោកវរសេនីយ៍ឯក ពេជ្រសារ៉ែន ជាអធិការ និងដោយបានការសម្របសម្រួលលេីនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផងនោះ បានចុះប្រតិបត្តិការបង្ក្រាបករណី រក្សាទុកដោយខុស ច្បាប់នូវសារធាតុញៀន ០១ករណីក្នុងបទល្មើសជាក់ស្តែង និងបានឃាត់ខ្លួនជនសង្ស័យចំនួន ០៣នាក់មាន ឈ្មោះដូចខាងក្រោម៖ ១-ឈ្មោះ ឆាត សុភក្ត្រា ហៅនាង ភេ ទប្រុស អាយុ៤០ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។
២-ឈ្មោះ សម័យ ចាន់ថន ហៅ ភី ភេ ទស្រី អាយុ២១ឆ្នាំ មានទីលំនៅភូមិវត្តគរ សង្កាត់វត្តគរក្រុងបាត់ដំបង ខេត្តបាត់ដំបង ។ ៣-ឈ្មោះ ស៊ុំ សំណាង ភេទប្រុស អា យុ២៨ឆ្នាំមានទីលំនៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង ។
-*វត្ថុតាងចាប់យកបានរួមមាន៖ -ថ្នាំញៀនប្រភេទមេតំហ្វេតាមីន(ម៉ាទឹកកក ICE)ចំនួន០៤ថង់ទម្ងន់៨១,៦៩ក្រាម (ទាំងសំបក) -ទូរស័ព្ទដៃចំនួន ០១គ្រឿង (ចាស់) -ជញ្ជីងសម្រាប់ថ្លឹងថ្នាំញៀនលក់ចំនួន ០១គ្រឿង -ថង់សម្រាប់រំលែកច្រកថ្នាំញៀនលក់មួយចំនួន -ម៉ូតូចំនួន០១គ្រឿងម៉ាកអេឌីវី(ADV) ពណ៌ស (គ្មានពន្ធ) សេរីឆ្នាំ២០២១ ពាក់ស្លាកលេខ បាត់ដំបង1AQ-0034 (ជាស្លាកលេខក្លែងក្លាយ) -ដាវសាំម៉ូរ៉ៃចំនួន ០២ដើម,ក្រដាសអាលុយមីញ៉ូមចំនួន០១ដុំ។
នៅពេលនេះសមត្ថកិច្ចនគរបាលបានរៀបចំសំណុំរឿងបញ្ជូនទៅសាលាដំបូងខេត្តបាត់ដំបងចាត់ការតាមនីតិវិធី ច្បាប់៕(រូបភាពផែនការងារនគរបាលប្រឆាំងគ្រឿងញៀន/
