ខេត្តស្ទឹងត្រែង÷ រថយន្តធំមួយគ្រឿងបើកក្នុងទិសដៅស្របគ្នាបានគៀម៉ូតូបណ្ដាលឲ្យអ្នកជិះម៉ូតូដួលរងរបួសធ្ងន់នៅវេលាម៉ោងជាង៨ព្រឹក ថ្ងៃទី២២ ខែមិថុនា ឆ្នាំ២០២២ ត្រង់ចំណុចបង្គោលគីឡូម៉ែត្រលេខ៤៩១ លើផ្លូវ ជាតិលេខ៩ ស្ថិតនៅក្នុងភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានឲ្យដឹងថា អ្នកបើកបររថយន្តឈ្មោះ ស៊ុយ សុថុន ភេទប្រុស អាយុ២៦ឆ្នាំ ជនជាតិខ្មែរ មុខរបរ អ្នកបើកបរ មានទីលំនៅភូមិក្របីស ឃុំត្នោតជុំស្រុកក្រគរ ខេត្តពោធិ៍សាត់។
បើកបររថយន្តម៉ាកហុីណូ ពណ៌សរ ពាក់ស្លាកលេខភ្នំពេញ 3D-3896 ក្នុងទិសដៅពីលិចទៅកើត បានគៀម៉ូតូម៉ាកវ៉េវ ពណ៌ខ្មៅ ក្នុងទិសដៅពីលិចទៅកើតដូចគ្នា។
រីឯអ្នកបើកបរម៉ូតូឈ្មោះ ដុស ឆេងភេទប្រុស អាយុ៦៣ឆ្នាំ ជនជាតិខ្មែរមុខរបរកសិករ មានទីលំនៅភូមិសំអាងឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
អ្នកបើកបរម៉ូតូបន្ទាប់ពីរងរបួសត្រូវបញ្ជូនទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែង។
សមត្ថកិច្ចសន្និដ្ឋានដំបូងថាកត្តាគ្រោះថ្នាក់ចរាចរណ៍បង្កឡើងដោយការ វ៉ាជែងខ្វះការប្រុងប្រយ័ត្ន៕
