ខេត្តកំពង់ស្ពឺ ៖ នៅថ្ងៃទី០១ ខែឧសភា ឆ្នាំ២០២២ វេលាម៉ោង ១:១០នាទីយប់ កម្លាំងអធិការដ្ឋាននគរបាលស្រុកថ្ពង បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ០២ នាក់ នៅចំណុចភូមិត្រពាំងត្របែក ឃុំរុងរឿង ស្រុកថ្ពង ខេត្តកំពង់ស្ពឺ ។ ជនសង្ស័យទាំង២នាក់ដែលឃាត់ខ្លួនរួមមាន ៖ ទី១-ឈ្មោះ ពេញ ថេង ភេទប្រុស អាយុ៣០ឆ្នាំ នៅភូមិទឹកលង១ ឃុំរុងរឿង ស្រុកថ្ពង ទី២-ឈ្មោះ ផុន ចាន់រ៉ា ភេទប្រុស អាយុ២៣ឆ្នាំ នៅភូមិទឹកលង២ ឃុំរុងរឿង ស្រុកថ្ពង ខេត្តកំពង់ស្ពឺ ។ ដកហូតវត្ថុរួមមាន ៖ ម្សៅក្រាមពណ៌សថ្លាសង្ស័យជាគ្រឿងញៀន ៤កញ្ចប់ (៣តូច និង ១មធ្យម) ទម្ងន់ ក្រាម , ទូរស័ព្ទ ៣ , ដាវ ១ , កាំបិត ១ រួមនឹងឧបករណ៍ប្រើប្រាស់គ្រឿងញៀនមួយចំនួន។ បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី៕
