ករណីមនុស្សវិកលចរិក​​ មិនស្គាល់អត្តសញ្ញាណ គាំងបេះដូង​​​ដេកស្លាប់

កំពង់ធំ៖ ករណីមនុស្សវិកលចរិក​​ មិនស្គាល់អត្តសញ្ញាណ គាំងបេះដូង​​​ដេកស្លាប់ នៅគន្លុកជាប់ផ្លូវជាតិលេខ6A ភូមិជាយស្បៃ ឃុំកកោះ ស្រុកសន្ទុក​​​ ខេត្តកំពង់ធំ កាលពីថ្ងៃទី 01/10/2018 ម៉ោង​ 6និង20 នាទី ។

អំពីអង្គហេតុ កាលពីថ្ងៃទី 30/09/2018 វេលាម៉ោ16 ជាង​​​​​ ជនរងគ្រោះ មិនស្គាល់អត្តសញ្ញាណ បានដើរលើចិញ្ចើមផ្លូវជាតិ លេខ6A ត្រង់ចំនុច​មុខហាងលក់កាហ្វេឈ្មោះ​​ ចុង​​ ស្រេង ភូមិស្វាយកាល់​​ ឃុំកកោះ ដើរទៅ​​ ដើរមកច្រើនលើក​​ ដោយមានកាន់ដំបងឈើមូលមួយប្រវែងប្រហែល មួយម៉ែតកន្លះ បានដើរបណ្តើរវាយក្បាលខ្លួនឯងបណ្តើរ​​​ និងស្រែកបណ្តើរថា ម៉ែអើយជួយផង។

សាក្សីឈ្មោះ​​អៀត លីម​​ ភេទប្រុស និងឈ្មោះប៊ុន គ្រី ភេទប្រុសបានឃើញផ្ទាល់ភ្នែកថាមានស្នាមពកជាំខ្មៅនៅលើថ្ងាស់ខាងមុខទៀតផង។ ​​​​​ លុះដល់វេលាម៉ោង 6និង20នាទី ថ្ងៃទី 01/10/2028 ក៏មានប្រជាពលរដ្ឋឈ្មោះសោម សាវ៉ាត ភេទប្រុស ដែលនៅផ្ទះក្បែនោះ​ បានប្រទះឃើញ សាកសពដេកស្លាប់ដោយផ្កាប់មុខនៅក្នុងគន្លុកជាប់ផ្លូវជាតិក្បែរផ្ទះរបស់ខ្លួន។

បើតាមការស្រាវជ្រាវស៊ើបអង្កេតរបស់ផ្នែកជំនាញ​ ពិនិត្យ និងវិភាគទីកន្លែងកើតហេតុស្រុកសន្ទុក ដែលបានពិនិត្យលើរាងកាយរបស់សាកសព យើងសន្និដ្ឋានបានថា: សាកសពជនវិកលចរិកមិនស្គាល់អត្តសញ្ញាណពិតជាបានស្លាប់ដោយ កាំង៊ បេះដូង​​ពិតប្រាកដមែន​​ ពុំមានពាក់ព័ន្ឋនិងអំពើឃាតកម្មឡើយ។

ដោយ អធិការរង វ/ទោ ម៉ៅ​​ ចាន់ធី