រចនាសម្ព័ន្ធ អង្គភាព


រក្សាសិទ្ធិគ្រប់យ៉ាងដោយ គេហទំព័រ ស្ពានដែក​ "WWW.SPEANDAK.COM" គេហទំព័រ ស្ពានដែក ដំណើរការ​តាមប្រកាសលេខ ០៩០ ព.ម ប្រក ចុះថ្ងៃទី០៥ ខែមីនា ឆ្នាំ២០២១ ទីតាំង ទីស្នាក់ការ ស្ថិតនៅ តាមបណ្តោយផ្លូវលំ ក្នុងភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ​ទំនាក់ទំនងការិយាល័យព័ត៌មាន 070 968 168 / 097 4444 136 / 070 968 167 ។ "សូមអគុណ"

សម្តេចតេជោ ហ៊ុន សែន ទទួលជួបពិភាក្សាការងារជាមួយសមាជិកការិយាល័យបក្ស និងលេខាបក្សក្រុងហូជីមិញ...

នៅវិមានសន្តិភាព នាសៀលថ្ងៃទី១៧ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ង្វៀន វ៉ាន់នេន​(Nguyen Van Nen) សមាជិកការិយាល័យនយោបាយមជ្ឈិមបក្សកុម្មុយនិស្តវៀតណាម និងជាលេខាគណៈកម្មាធិការបក្សក្រុងហូជីមិញ ចូលជួបសម្ដែងការគួរសម និងពិភាក្សាការងារមួយចំនួន។

 

 តាមការអោយដឹងពី ឯកឧត្តម អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងនៅក្រោយជំនួបថា នៅក្នុងជំនួបនេះ ឯកឧត្តម ង្វៀន វ៉ាន់នេន បានជម្រាបសម្តេចតេជោ ហ៊ុន សែន លើកិច្ចសហប្រតិបត្តិការ និងលទ្ធផលការងារមួយចំនួន ដែលសម្រេចបានរវាងរាជធានីភ្នំពេញ និងក្រុងហូជីមិញ។

 

 ការងារទាំងអស់នោះមានដូចជា កិច្ចសហប្រតិបត្តិការទប់ស្កាត់ការរីករាលដាលជំងឺកូវីដ-១៩ ជំរុញការបើកទីក្រុង និងសេដ្ឋកិច្ចឡើងវិញ។

 

 បន្ថែមពីលើនោះ រាជធានីភ្នំពេញ និងក្រុងហូជីមិញ ក៏បានធ្វើកិច្ចសហប្រតិបត្តិការលើវិស័យដទៃទៀត រួមមានវិស័យទេសចរណ៍ ការតភ្ជាប់មានហេដ្ឋារចនាសម្ព័ន្ធ ការបង្កើនទំនាក់ទំនងរវាងប្រជាជន និងប្រជាជន និងយុវជនផងដែរ។

 

 ជាការឆ្លើយតាប សម្តេចតេជោ ហ៊ុន សែន បានសម្តែងការសាទរចំពោះសមិទ្ធផលទាំងឡាយ កើតចេញពីកិច្ចសហប្រតិបត្តិការរវាងរាជធានីភ្នំពេញ និងក្រុងហូជីមិញ។

 

 សម្តេចតេជោ ហ៊ុន សែន ក៏ផ្តល់អនុសាសន៍ឱ្យរាជធានីភ្នំពេញ និងក្រុងហូជីមិញ យកចិត្តទុកដាក់លើវិស័យទេសចរទាំងផ្លូវទឹក ផ្លូវគោក និងអាកាស។ 

 

សម្តេចតេជោនាយករដ្ឋមន្ត្រី ក៏បានជំរុញឱ្យមានការលើកកម្ពស់ការធ្វើពាណិជ្ជកម្ម រវាងរាជធានីភ្នំពេញ និងក្រុងហូជីមិញបន្ថែមទៀតផងដែរ៕

 

 






 

Previous Post Next Post