ព្រឹកថ្ងៃពុធទី១០ ខែសីហា ឆ្នាំ២០២២ ឯកឧត្តមអ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈកម្មាធិការសាខា និងលោកជំទាវ បានដឹកនាំក្រុមការងារដែលមានឯកឧត្តមលោកជំទាវលោក លោកស្រីជាអនុប្រធាននិងសមាជិកគណៈកម្មាធិការសាខាលោក លោកស្រីសមាជិកគណៈកម្មាធិការអនុសាខា មេឃុំ ក្រុមប្រឹក្សាឃុំលោកមេភូមិ បាននាំអំណោយមនុស្សធម៌ចុះសួរសុខទុក្ខគ្រួសារក្រីក្រ ចាស់ជរា ស្រ្តីមេម៉ាយចំនួន១៥គ្រួសារ មកពីភូមិអូរស្ងួត ឃុំបន្ទាយនាង ស្រុកមង្គលបូរី ពិធីនេះបានធ្វើនៅក្នុងវត្តពោធិ៍ល័ង្ការាមអូរស្ងួត ឃុំអូប្រាសាទ ស្រុកមង្គលបូរី។
ក្នុងឱកាសសាកសួរសុខទុក្ខនេះដែរឯកឧត្តមប្រធានបាននាំនូវប្រសាសន៍ផ្តាំផ្ញើសាកសួរសុខទុក្ខពីសម្តេចកិត្តិព្រឹទ្ឌបណ្ឌិតប៊ុន រ៉ានីហ៊ុនសែនប្រធានកាកបាទក្រហមកម្ពុជា លោកតែងតែយកចិត្តទុក្ខដាក់ដល់ប្រជាពលរដ្ឋទូរទាំងប្រទេសដែលជួបការលំបាក ។
នាពេលជាមួយគ្នានេះឯកឧត្តមប្រធានសូមអរគុណដល់អាជ្ញាធរភូមិ ឃុំដែលបានរាយការណ៍និងស្នើសុំអំណោយមកសាខាទើបបានដឹងពីការខ្វះខាតនិងសុខទុក្ខរបស់ប្រជាពលរដ្ឋមូលដ្ឋាន ។
ហើយក្នុងនាមឯកឧត្តមជាប្រធានគណៈកម្មាធិការជំពោះកិច្ចកូវីដ-១៩ ខេត្តបានជំរុញអោយបងប្អូនទាំងអស់គ្នាទទួលចាក់វ៉ាក់សាំងការពារជំងឺកូវីដ-១៩ដូសទី៤និងដូសផ្សេងៗតទៅមុខទៀត ព្រោះកូវីដមិនទាន់បាត់រលត់ទៅណានៅឡើយទេ។
អំណោយដែលសាខានាំមកនូវពេលនេះក្នុង១គ្រួសារៗទទួលបាន+ អង្ករ២៥គីឡូក្រាម, មី១កេស, ត្រីខ១យួរ,ទឹកត្រី៣ដប,ទឹកសុទ្ឌ១យួរ,ជែលលាងសម្អាតដៃ២ដប, មុង១,ភួយ១,សារុង១,ក្រមា១និងអាវយឺតកមូល២។