នាព្រឹកថ្ងៃពុធ ១១កើត ខែពិសាខ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃទី១១ ខែឧសភា ឆ្នាំ២០២២ ឯកឧត្តមបណ្ឌិត សុខ ប្រសិទ្ធិ រដ្ឋលេខាធិការក្រសួងព័ត៌មាន និងជាប្រធានក្រុមការងារគណបក្សចុះមូលដ្ឋានឃុំរមេញ ស្រុកកោះអណ្តែត ខេត្តតាកែវ និងប្រធាន, អនុប្រធាន ចុះមូលដ្ឋានភូមិទាំង១០ នៃឃុំរមេញ ព្រមទាំងសមាជិក សមាជិកា បានអញ្ជើញជាអធិបតីក្នុងពិធីចុះជួបជាមួយសមាជិកបក្ស និងសំណេះសំណាល សួរសុខទុក្ខប្រជាពលរដ្ឋ និងផ្តាំផ្ញើដល់សមាជិកបក្សដើម្បីត្រៀមក្នុងយុទ្ធនាការហែរឃោសនាគណបក្ស ក្នុងដំណើរការឆ្ពោះទៅកាន់ការបោះឆ្នោតជ្រើសរើស ក្រុមប្រឹក្សា ឃុំសង្កាត់ អាណត្តិទី៥ ឃុំរមេញ ស្រុកកោះអណ្ដែត ខេត្តតាកែវ ។
ក្នុងនោះដែរ ឯកឧត្តមបណ្ឌិតប្រធាន បានប្រគល់ថវិកា៤ភូមិ រួមមាន៖ ១.ភូមិដើមពោធិ៍ ២,០២៥,០០០រៀល ២.ភូមិប្រឡាយមាស ៣,៦៣០,០០០រៀល ៣.ភូមិរមេញខាងជើង ៨,៤៣០,០០០រៀល ៤.ភូមិដើមក្រូច ៣,៦៣៥,០០០រៀល សរុបថវិកាចំនួន: ១៧,៧២០,០០០រៀល។
ចំណែក ៦ភូមិផ្សេងទៀត ប្រធានក្រុមការងារចុះមូលដ្ឋានភូមិ នឹងប្រគល់តាមការកំណត់នៃកាលបរិច្ឆេទរៀងៗខ្លួន ។
ឆ្លៀតក្នុងឱកាសនេះ ឯកឧត្តមបណ្ឌិតប្រធាន បានឧបត្ថម្ភជាថវិកាជូនដល់៖ -ក្រុមការងារស្រុក ៣០០,០០០រៀល -គណបក្សឃុំរមេញ ២០០,០០០រៀល -មេប៉ុស៍ប៉ូលីស ៣០,០០០រៀល -កងកម្លាំងប៉ូលីស ១០០,០០០រៀល -ប្រជាការពារ ១០០,០០០រៀល សរុបថវិកាចំនួន: ៧៣០,០០០រៀល។
