នៅព្រឹកថ្ងៃអាទិត្យ ៨រោច ខែចេត្រ ឆ្នាំខាល ចត្វាស័កព.ស.២៥៦៥ ត្រូវនឹងថ្ងៃទី២៤ ខែមេសា ឆ្នាំ២០២២ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងពិធីអបអរសាទរទិវាជាតិប្រយុទ្ធនឹងជំងឺគ្រុនចាញ់ ក្រោមប្រធានបទ “រួមគ្នាអនុវត្តគន្លងសកម្មភាពថ្មីៗ ឈានទៅដល់កាត់បន្ថយបន្ទុកជំងឺគ្រុនចាញ់សកលដេីម្បីលេីកកម្ពស់សុខុមាភាព” ដែលស្ថិតនៅក្នុងវត្តចំបក ភូមិបេង ឃុំចំបក ស្រុកភ្នំស្រួច ខេត្តកំពង់ស្ពឺ។
ក្នុងពិធីនេះដែរ ក៏មានការអញ្ជើញចូលរួមពីប្រតិភូក្រសួងសុខាភិបាល ឯកឧត្តម អនុរដ្ឋលេខាធិការ អគ្គនាយក អគ្គាធិការ សាកលវិទ្យាធិការ ទីប្រឹក្សាក្រសួង អភិបាលនៃគណៈអភិបាលខេត្តកំពង់ស្ពឺ និងលោកប្រធានមន្ទីរសុខាភិបាលនៃរដ្ឋបាលខេត្តកំពង់ស្ពឺ ព្រមទាំង លោក លោកស្រី តំណាងអង្គការ WHO, UNOPS, USAID និងភ្ញៀវកិត្តិយសជាតិ-អន្តរជាតិ។
