Monday, April 11, 2022

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ


(ខេត្តតាកែវ)÷ នៅថ្ងៃទី១១ ខែមេសា ឆ្នាំ២០២២ ស្ថិតនៅត្រង់ចំណុចភូមិជ្រេ ឃុំជីខ្នា ស្រុកទ្រាំង ខេត្តតាកែវ។ 

 

ហេតុការណ៍គ្រោះថ្នាក់ចរាចរណ៍នេះបង្កឡើងដោយរថយន្តមួយគ្រឿងម៉ាកហុីយ៉ាន់ដាយ ពណ៌ស ពាក់ស្លាកលេខ 3A-3211 បើកបរដោយឈ្មោះរត់ សត្យា ភេទប្រុសអាយុ១៨ឆ្នាំ មុខរបរជាអ្នកបើករថយន្ត រស់នៅភូមិប្រស៊ុង ឃុំតាភេម ស្រុកត្រាំកក់ ខេត្តតាកែវ បានស្លាប់នៅនឹងកន្លែងកើតហេតុ និងអ្នករួមដំណើរ២នាក់ទៀត ១-ឈ្មោះចិន ហ៊ាន ភេទប្រុស អាយុ២១ ឆ្នាំ មុខរបរជាកម្មករ រស់នៅភូមិព្រៃសណ្ដែក ឃុំព្រៃស្លឹក ស្រុកទ្រាំង ខេត្តតាកែវ បានស្លាប់នៅនឹងកន្លែងកើតហេតុ, ២-ឈ្មោះស ឆាត ភេទប្រុសអាយុ២៣ឆ្នាំ មុខរបរកម្មករ រស់នៅភូមិភ្នំក្រោម សង្កាត់ចុងឃ្នាស ខេត្តសៀមរាបបានស្លាប់នៅនឹងកន្លែងកើតហេតុ។ 

 

សមត្ថកិច្ចបានបញ្ជាក់ឱ្យដឹងទៀតថារថយន្តហុីយ៉ាន់ដាយខាងលើពេលបើកមកដល់ចំណុចកើតហេតុក៏បានទៅបុករថយន្តមួយគ្រឿងទៀតម៉ាកFuso ពណ៌ស ពាក់ស្លាកលេខតាកែវ3A-1188 បណ្ដាលឱ្យអ្នកបើកបររថយន្តឈ្មោះវ៉ាន់ វ៉ាន ភេទប្រុស អាយុ៣៧ឆ្នាំ មុខរបរជាអ្នកបើករថយន្ដ រស់នៅភូមិតារ៉ុង ឃុំភ្នំដិន ស្រុកគិរីវង់ ខេត្តតាកែវបានរងរបួសធ្ងន់ និងអ្នករួមដំណើរម្នាក់ទៀតឈ្មោះថាវ ស្រីឡែន ភេទស្រី អាយុ២៣ឆ្នាំ មុខរបរជាអាជីវករ រស់នៅភូមិ ឃុំ ស្រុកជាមួយគ្នាបានរងរបួសធ្ងន់ត្រូវបានដឹកបញ្ជូនទៅសង្គ្រោះបន្ទាន់នៅឯមន្ទីរពេទ្យខេត្តតាកែវ។ 

 

សមត្ថកិច្ចបានបន្តឱ្យដឹងទៀតថា ករណីគ្រោះថ្នាក់ចរាចរណ៍ខាងលើនេះបង្កឡើងដោយសារអ្នកបើកបរបើកក្នុងល្បឿនលឿននិងខ្វះការប្រុងប្រយ័ត្នទើបបង្កឱ្យមានករណីខាងលើនេះកើតឡើង។ សមត្ថកិច្ចបានចុះទៅដល់គោលដៅដើម្បីធ្វើការត្រួតពិនិត្យនិងវាស់វែងហើយរៀបចំសាកសពដើម្បីប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនិងទំនៀមទម្លាប់សាសនា។ចំណែកឯសម្ភារបង្កហេតុត្រូវបានយកមករក្សាទុកនៅអធិការដ្ឋាននគរបាលស្រុកទ្រាំងដើម្បីរង់ចាំដោះស្រាយទៅតាមនីតិវិធី៕ 




 


សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136