ដោយទទួលបានការអនុញ្ញាតពីឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី០១ ខែកុម្ភៈ ឆ្នាំ២០២២ នៅសាលប្រជុំស្នងការដ្ឋាននគរបាលរាជធានីភ្នំពេញ លោកឧត្ដមសេនីយ៍ទោ លី ពុធដារ៉ា ស្នងការរង ទទួលផែនការងារសេនាធិការ បានដឹកនាំកិច្ចប្រជុំណែនាំអំពីរបៀបរបបគ្រប់គ្រងឯកសាររដ្ឋបាលសំខាន់ៗ ដោយមានការចូលរួមពីលោកអនុប្រធានផែនការងារសេនាធិការ លោក-លោកស្រីនាយការិយាល័យ និងមន្ត្រីពាក់ព័ន្ធមួយចំនួន។ ក្នុងកិច្ចប្រជុំនេះ លោកស្នងការរង បានណែនាំឱ្យប្រធានអង្គភាពទាំងអស់ ពង្រឹងសមត្ថភាពក្នុងការគ្រប់គ្រងឯកសារក្នុងអង្គភាពរបស់ខ្លួនឱ្យបានហ្មត់ចត់ រៀបចំចងក្រងយន្តការសំខាន់ៗ ដែលធ្លាប់បានដាក់ចុះកន្លងមក និងខិតខំបន្តបញ្ចូលឯកសារសំខាន់ៗចូលក្នុងប្រព័ន្ធទិន្នន័យឲ្យបានត្រឹមត្រូវ៕