រចនាសម្ព័ន្ធ អង្គភាព


រក្សាសិទ្ធិគ្រប់យ៉ាងដោយ គេហទំព័រ ស្ពានដែក​ "WWW.SPEANDAK.COM" គេហទំព័រ ស្ពានដែក ដំណើរការ​តាមប្រកាសលេខ ០៩០ ព.ម ប្រក ចុះថ្ងៃទី០៥ ខែមីនា ឆ្នាំ២០២១ ទីតាំង ទីស្នាក់ការ ស្ថិតនៅ តាមបណ្តោយផ្លូវលំ ក្នុងភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ​ទំនាក់ទំនងការិយាល័យព័ត៌មាន 070 968 168 / 097 4444 136 / 070 968 167 ។ "សូមអគុណ"

ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរាជធានីភ្នំពេញ​ និងឯកឧត្តម​ ឧត្តមសេនីយ៍ឯក​ ហុក​ ថាវណ្ណ​

នៅព្រឹកថ្ងៃទី០៦​ ខែមករា​ ឆ្នាំ២០២២​ ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរាជធានីភ្នំពេញ​ និងឯកឧត្តម​ ឧត្តមសេនីយ៍ឯក​ ហុក​ ថាវណ្ណ​ អនុប្រធាននាយកដ្ឋានបុគ្គលិក​ តំណាងឯកឧត្តម​ នាយឧត្តមសេនីយ៍​ ប៉ែន​ វិបុល​ អគ្គស្នងការរង​ និងជាប្រធាននាយកដ្ឋានបុគ្គលិក​ បានអញ្ជេីញជាអធិបតីក្នុងពិធីប្រកាសផ្ទេរភារកិច្ច​ និងតែងតាំងមុខតំណែង​ ជូនមន្ត្រីនគរបាលជាតិ​ នៃស្នងការដ្ឋាននគរបាលរាជធានីភ្នំពេញ​ ជាមួយនោះដែរក៏មានការរៀបចំកិច្ចប្រជុំប្រចាំខែធ្នូ​ និងទិសដៅការងារប្រចាំខែមករា​ ឆ្នាំ២០២២​ ដោយមានការចូលរួមពីលោក​ លោកស្រីស្នងការរង​ លោកនាយការិយាល័យជំនាញ​ លោកអធិការនគរបាលខណ្ឌទាំង១៤​ ព្រមទាំងមន្ត្រីពាក់ព័ន្ធមួយចំនួនទៀតផងដែរ​ ។ នៅក្នុងពិធីនេះដែរ​ ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរាជធានីភ្នំពេញ​ បានផ្តាំផ្ញេីរ​ និងណែនាំដល់មន្ត្រីនគរបាលដែលទេីបទទួលបានការតែងតាំងមុខតំណែងថ្មីត្រូវយកចិត្តទុកដាក់ខ្ពស់លេីការបំពេញភារកិច្ចរបស់ខ្លួន​ ជាពិសេសត្រូវតែបម្រេីប្រជាពលរដ្ឋឱ្យបានល្អ​ ម្យ៉ាងវិញទៀតផ្នែកជំនាញផ្សេងៗទៀតដូចជាចរាចរណ៍​ និងសណ្តាប់ធ្នាប់​ ត្រូវអនុវត្តឱ្យបានត្រឹមត្រូវតាមច្បាប់​ ដោយមានកាយវិការ​ និងសំដីឱ្យបានសមរម្យជាមួយប្រជាពលរដ្ឋ​ ។ ចំពោះការងាររក្សាសន្តិសុខសុវត្ថិភាព​ គ្រប់កងកម្លាំងចំណុះនៃស្នងការដ្ឋាននគរបាលរាជធានីភ្នំពេញ​ ទាំងអស់​ ត្រូវតែពង្រឹងការល្បាត​ ដេីម្បីបង្ការ​ ទប់ស្កាត់បទល្មេីសនានាកុំឱ្យកេីតមានឡេីង​ ៕





 

Previous Post Next Post