ភ្នំពេញ÷ មនុស្សប្រុសស្រីចំនួន៤នាក់ បានរងរបួសធ្ងន់ស្រាល ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីជិះរថយន្ដដឹកឥដ្ឋមួយគ្រឿងដាច់ប្រាំងជ្រុលទៅបុកជាមួយនឹងរថយន្តក្រឡុកបេតុងពេញ ទំហឹងបង្កឲ្យមានការភ្ញាក់ផ្អើលកាលពីវេលាម៉ោង១០ និង ២០ នាទីថ្ងៃទី១៧ ខែកក្កដា ឆ្នាំ២០២១នៅតាមបណ្ដោយផ្លូវជាតិលេខ ១ក្នុងសង្កាត់និរោធខណ្ឌសច្បារអំពៅ រាជធានីភ្នំពេញ។
តាមប្រប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តកូរ៉េដឹកឥដ្ឋ ១គ្រឿងពណ៌សលាយខៀពាក់ស្លាកលេខភ្នំពេញ3D-0319បើកបដោយបុរសម្នាក់មិនស្គាល់អត្ដសញ្ញាណក្នុងទិសដៅពីជើងទៅត្បូង លុះមកដល់ចំណុចកើតហេតុកើយហេតុខាងលើ ក៏ដាច់ប្រាំងហើយក៍ជ្រុលទៅបុកជាមួយនឹងរថយន្តក្រឡុកបេតុងមួយគ្រឿងពាក់ស្លាកលេខភ្នំពេញ 5A-0738បើកបរដោយបុរសម្នាក់ដោយធ្វើដំណើរតាមបណ្តោយផ្លូវជាតិលេខ១ទិសដៅពីជើងទៅត្បូងស្របទិស គ្នាហ្វ្រាំងមិនទាន់ក៍បុកពីក្រោយរថយន្តខាងស្តាំពេញទំហឹង បណ្ដាលឲ្យមនុស្សប្រុសស្រីចំនួន ៤ នាក់ដែលអង្គុយនៅខាងមុខអែបនឹងតាកុងគៀបជាប់នៅក្នុងរថយន្តរងរបួសបន្ទាប់មកអ្នករងរបួសធ្ងន់ ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងហើយ យករថយន្តនិងវត្ថុតាងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជ ធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់ ។
