ភ្នំពេញ៖ ក្មេងស្រីស្រស់ស្អាតម្នាក់បានមកលោតទឹក តែមិនបានលោតដូចបំណង ក្មេងស្រីខាងលើនេះមានឈ្មោះ ស្រីម៉ៅ អាយុ១៧ឆ្នាំ រស់នៅជាមួយម្តាយមីង មុខហាងកាដូ ផ្លូវជាតិលេខ៦អា ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ មានស្រុកកំណើត ភូមិត្នោត ឃុំបន្ទាយមាស ស្រុកទូកមាស ខេត្តកំពត ។
តាមសមត្ថកិច្ចបានឲ្យដឹងថា នារីវ័យក្មេងប៉ុនប៉ងសម្លាប់ខ្លួនដោយលោតទឹក តែមិនបានសម្រេច នាងគិតខ្លីក៏ដោយសារ ការស្តីប្រៀនប្រដៅ រឿងនាងដើរលេងដាច់យប់ តើម្តាយមីងឯណាចង់ឲ្យកូនក្មួយ ដើរនូវផ្លូវអាក្រក់នោះ។
ប្រភពបន្តទៀតថា ចំនួន២ថ្ងៃជាប់គ្នាទៅហើយ ដែលនាងប៉ុនប៉ង តែមិនបានសម្រេច កម្លាំងប្រចាំការលើស្ពានឃើញទាន់ចាប់ជាប់ កាលពីវេលាថ្ងៃត្រង់ទី១០ ម្សិលមិញ នាងមកម្តង ចាប់ឃាត់បាន ហៅម្តាយមីងលួងនាំទៅវិញ ស្រាប់តែមកដល់វេលាម៉ោង៤និង៣០នាទីល្ងាចនេះ ស្រាប់រែលេចមុខនាងដដែលមកសារជាថ្មី ឡើងលើបង្កាន់ដៃ បម្រុងលោត ត្រូវបានសន្តិសុខ ពលរដ្ឋ សមត្ថកិច្ច ក្រឡេកឃើញទាន់ស្ទុះស្រវាចាប់ជាប់ ជាលើកទី២ ។
តែទោះជាយ៉ាងណាក្តី កុំឲ្យមានជាលើកទី៣ ឪពុកម្តាយ សាច់ញាតិ បងប្អូន ចង់ឲ្យកូនក្មួយល្អ ជៀសវាង ដើរហើរ ភ្លើតភ្លើន ភ្លក់ក្នុងល្បែងអបាយមុខ ខណៈដែលខ្លួននៅក្មេង គួរខិតខំ ព្យាយាមរៀនសូត្រ ស្តាប់ឱវាទ ចាស់ទុំ ឪពុកម្តាយ លោកគ្រូ អ្នកគ្រូ ដើម្បីក្រេបយកចំនេះដឹង រួមចំណែកកសាងប្រទេស ប្រសើរជាង ស្លាប់អត់ន័យ ៕
Tags:
ព័ត៌មានជាតិ