បន្ទាយមានជ័យ៖ ករណីគ្រោះថ្នាក់ចរាចរណ៏ រវៀងរថយន្តតូរីសបុកគោយន្តដាច់ជាពីរ ខណ:នោះ ក៏មានរថយន្តកាមរីបុកបន្ថែមបន្តទៀតផងដែរ បណ្តាលឱ្យមនុស្សប្រុសស្រីរងរបួសជាច្រើននាក់។ គ្រោះថ្នាក់នេះកើតឡើងនៅលើផ្លូវលេខ៦នាភូមិគោកពង្រឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ កាលពីព្រឹកថ្ងៃទី១ ខែតុលា ឆ្នាំ២០១៨ ។
លោកវរសេនីយ៍ត្រីស៊ិនរ៉ាស៊ីមេបញ្ជាការមូលដ្ឋានកងរាជអាវុធហត្ថស្រុកព្រះនេត្រព្រះបានឲ្យដឹងថា : ដំបូងមានគោយន្តកន្ត្រៃ១គ្រឿង ដឹកអ្នកជិះក្មេងៗយុវជននារីក្នុងវេនកាន់បិណ្ឌមានគ្នាជិត២០នាក់ ។ បើកមកដល់ចំណុចកើតហេតុក៏ស្រាប់ធ្វើការបត់។ប៉ុន្តែបត់មិនបានព្រោះជាប់គាំងចង្កូត។ខណ:ពេលនោះមានតួរីសបុកចំពីមុខ ឯរថយន្តកាមរីមកបុកចំកន្ទុយគោយន្ត ។
គោយន្តបានដាច់ជា២ហើយមនុស្សជិះនៅក្នុងគោយន្តធ្លាក់ចុះរដូករណែលលើថ្នល់ជាតិក្នុងនោះរបួសធ្ងន់ម្នាក់និងមធ្យម១៧នាក់។លោកវរសេនីយ៍ត្រីស៊ិនរ៉ាស៊ីនិយាយបន្តថា:អ្នករបួសធ្ងន់ស្រាលត្រូវបានលោកហែមសារិនអភិបាលរងស្រុកព្រះនេត្រព្រះជួយដឹកជញ្ជូនយកទៅព្យាបាលនៅមន្ទីពេទ្យបង្អែកស្រុកព្រះនេត្រព្រះ ។
Tags:
ព័ត៌មានជាតិ