រសៀលថ្ងៃទី៧ ខែកញ្ញា ឆ្នាំ២០២២
តាខ្មៅ ៖ នៅសាលប្រជុំលាលាក្រុងតាខ្មៅមានកិច្ចប្រជុំប្រចាំខែសីហានិងលើកទិសដៅការងារអនុវត្តបន្តសម្រាប់ខែកញ្ញា ឆ្នាំ២០២២ក្រោមអធិបតីយភាព លោកវរសេនីយ៍ឯក យីវណ្ណដា អធិការនៃអធិការដ្ឋាននគរបាលក្រុងតាខ្មៅ និង មានការចូលរួមពីលោក-លោកស្រី អធិការរង លោកនាយផ្នែកជំនាញទាំងអស់និងលោកនាយប៉ុស្តិ៍ទាំង១០សង្កាត់ ។
ជាកិច្ចចាប់ផ្តើមលោកអធិការក៏បានពាំនាំនូវការសួរសុខទុក្ខពីសំណាក់លោក ឧត្តមសេនីយ៍ទោស្នងការនិងលោកអភិបាលក្រុងដែលជានិច្ចកាលលោកតែងតែយកចិត្តទុកដាក់ដល់កងកម្លាំងយើង។
លោកអធិការបានលើកនូវចំណុចសំខាន់ៗមួយចំនួនដើម្បីដាក់ជូនលោកអធិការរងទទួលផ្នែកជំនាញ ទាំង១០ និងលោកនាយប៉ុស្តិ៍ទាំង១០យកចិត្តទុកដាក់ ពង្រឹងនិងទប់ស្កាត់ ដូចខាងក្រោម៖
១- បញ្ហា ចោរកម្ម
២- បញ្ហា គ្រឿងញៀន
៣- បញ្ហា ក្មេងទំនើង
៤- បញ្ហា គោរពវិន័យ និង ស្លៀកឯកសណ្ឋាន
៥- បញ្ហា សណ្តាប់ធ្នាប់
៦- បញ្ហា អាកប្បកិរិយា និយាយស្តី និងជាពិសេសគឺបញ្ហាការផ្តល់សេវា ក៏ដូចជាការបំរើដល់ប្រជាពលរដ្ឋក្នុងមូលដ្ឋានផងដែរ ។
ជាទីបញ្ចប់លោកអធិការក៏បានផ្តាំផ្ញើរអោយកងកម្លាំងយើងទាំងអស់ថែរក្សារសុខភាពដោយប្រកាន់អោយបាននូវវិធានសុខាភិបាល (៣កុំ និង ៣ការពារ ) ។
ប្រភពពី ៖ អធិការដ្ឋាននគរបាលក្រុងតាខ្មៅ