Sunday, May 01, 2022

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ


ខេត្តបន្ទាយមានជ័យនៅព្រឹកថ្ងៃអាទត្យ ទី១ ខែឧសភា ឆ្នាំ២០២២ ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ ឯកឧត្តម ប៉ាន់ខែម ប៊ុនថន នាយករងខុទ្ធកាល័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចុះនាំយកអំណោយមនុស្សធម៌សាខាទៅចូលរួមសួរសុខទុក្ខគ្រួសាររងផលប៉ះពាល់ដោយខ្យល់កន្រ្តាក់ចំនួន៦៨គ្រួសារ ដែលមានទីតាំងចែកចាយស្ថិតនៅក្នុងភូមិបឹងជង្រុកតេជោឈ្នះឈ្នះឃុំទួលពង្រ ស្រុកម៉ាឡៃ។ 

 

 ករណីកើតហេតុកាលពីថ្ងៃទី២៨ខែមេសា ឆ្នាំ២០២២កន្លងទៅ។ ក្នុងនោះប្រជាពករដ្ឋរងគ្រោះលើ៣ឃុំ ១-ឃុំទួលពង្ររងគ្រោះ៥ភូមិស្មើ៥១គ្រួសារក្នុងរងគ្រោះធ្ងន់១៥គ្រួសារ, ២-ឃុំបឹងបេងរងគ្រោះ២ភូមិស្មើ១៣គ្រួសាររងគ្រោះធ្ងន់៧គ្រួសារ,និងទី៣-ឃុំតាគង់រងគ្រោះ១ភូមិស្មើ៤គ្រួសារ រងគ្រោះធ្ងន់១គ្រួសារ។

 

 ក្នុងឱកាសសាកសួរសុខទុក្ខនេះ ឯកឧត្តម អ៊ុំ រាត្រី អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានសម្តែងការចូលរួមសោកស្តាយចំពោះបងប្អូនប្រជាពលរដ្ឋរងគ្រោះទាំង៦៨គ្រួសារនិងក្រើនរំលឹកដល់បងប្អូនទាំងអស់ត្រូវបង្កើនការប្រុងប្រយ័ត្នខ្ពស់ពេលមានមេឃរកភ្លៀងត្រូវរត់ជ្រកកន្លែងដែលមានសុវត្ថិភាព និង មានការណែនាំអោយបងប្អូនចេះថែរក្សាអនាម័យផ្ទាល់ខ្លួន និងជំរុញអោយបងប្អូនទៅសាក់វ៉ាក់សាំងការពារជំងឺកូវីដ-១៩ ដូសទី២ ទី៣និងដូសជំរុញអោយបានគ្រប់ៗគ្នា។

 

 ក្នុងឱកាសនោះ ឯកឧត្តម អ៊ុំ រាត្រី បានពាំនាំការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ដល់បងប្អូនប្រជាពលរដ្ឋទាំងអស់ដោយក្តីនឹករលឹក ជានិច្ចកាលសម្តេចតែងតែយកចិត្តទុក្ខដាក់ខ្ពស់ចំពោះសុខទុក្ខលំបាកប្រជាពលរដ្ឋ។ 

 

អំណោយដែលសាខានាំមកនូវថ្ងៃនេះសម្រាប់មួយគ្រួសារៗទទួលបាន÷ អង្ករ២៥គីឡូក្រាម, មី១កេសតូច, ត្រីខ១យួរ, ទឹកត្រី៣ដប, មុង១, ភួយ១, សារុង១, ក្រមា១, អាវយឺត២,ជែលលាងសម្អាតដៃ២ដប ,និងគ្រួសាររងគ្រោះធ្ងន់២៣ថែមជូនតង់ប្លាស្ទីក១ផ្ទាំង ព្រមថវិកាផ្ទាល់របស់ឯកឧត្តមប៉ាន់ខែមប៊ុនថនមួយចំនួនផងដែរ៕










 




សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136