អាជ្ញាធរខេត្ត និងក្រុង ព្រមទាំងមន្ទីរ-អង្គភាពពាក់ព័ន្ធ កំពុងខិតខំទាំងថ្ងៃ ទាំងយប់ក្នុងការសម្អាត និងបំពេញបន្ថែមនូវការងារដែលនៅសេសសល់ ឲ្យបានរួចរាល់ នឹងត្រៀមសម្ពោធដាក់ឱ្យប្រើប្រាស់ជាផ្លូវការនាថ្ងៃទី៤ ខែមេសា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិត។
ឯកឧត្តម ទៀ សីហា អភិបាលនៃគណៈអភិបាលខេត្ត អំពាវនាវដល់បងប្អូនប្រជាពលរដ្ឋ សូមចូលរួមថែរក្សាផ្លូវ ៣៨ខ្សែ ជាពិសេសមុខផ្ទះរៀងៗខ្លួន ហើយក៏សូមអញ្ជើញ ពុក ម៉ែ បងប្អូន និងក្រុមហ៊ុន សហគ្រាសតាមដងផ្លូវ ៣៨ខ្សែទាំងអស់ចូលរួមសម្អាតបរិស្ថានក្នុងក្រុងសៀមរាប ដែលអាជ្ញាធរខេត្ត និងក្រុង សហការជាមួយសហភាពសហព័ន្ធយុវជនកម្ពុជាខេត្ត នៅថ្ងៃព្រឹកស្អែក ទី០១ ខែមេសា ឆ្នាំ២០២២ ។
អរគុណសន្តិភាព អរគុណនយោបាយឈ្នះឈ្នះ_ដឹងគុណស្ថាបនិក_មគ្គទេសក៍ឯក_និងប្រតិបត្តិករនយោបាយឈ្នះឈ្នះ_ដែលនាំមកនៅសន្តិភាព_និងឯកភាពជាតិពេញលេញ
