ខេត្តស្ទឹងត្រែង÷ជនសង្ស័យត្រូវបានឃាត់ខ្លួន កាលពីវេលាម៉ោង ៩និង៤៥នាទីព្រឹក ថ្ងៃទី១៣ ខែកុម្ភៈ ឆ្នាំ ២០២២នៅចំនុច ផ្លូវស្ពានទី២ ភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង (ច្រក់អន្តរជាតិ ត្រពាំងគ្រៀល កម្ពុជា ឡាវ)។ជនសង្ស័យម្នាក់ត្រូវបានកម្លាំងនគរបាលនៃមន្ទីរប្រឆាំងគ្រឿងញៀនសហការជាមួយនគរបាលប្រឆាំងគ្រឿងញៀនស្នងការនគរបាលខេត្តស្ទឹងត្រែង ចាប់ឃាត់ខ្លួនព្រមទាំងដកហូតប្រភេទម្សៅក្រាមសចំនួន១០កញ្ចប់ធំប្រមាណជិត១០គីឡូក្រាមសង្ស័យសារធាតុញៀន ។ ជនសង្ស័យឈ្មោះ ភីម ម៉ាន់ចាន់កាន់ អាយុ២៤ឆ្នាំ ជនជាតិជាតិឡាវ រស់នៅភូមិថាកាំង ស្រុកបុនខេត្តចំប៉ាសាក ប្រទេសឡាវ។ ប្រភពបានឲ្យដឹងថា ការចាប់ឃាត់ខ្លួនបុរសជាជនសង្ស័យ ក្នុងបទល្មើសជាក់ស្តែង ករណីជួញដូរសារធាតុខុសច្បាប់ ដោយ លួចដឹកចូលកម្ពុជា តាមព្រៃ មកចំនុចខាងលើ។ហើយ សមត្ថកិច្ចឃាត់ត្រួតពិនិត្យបានរកឃើញវត្ថុតាង ម្ស៉ៅក្រាមស ថ្លា សង្ស័យ សារធាតុញៀន ចំនួន១០កញ្ចប់ធំ សរុបចំនួន៩៨៦៦.៥៦ក្រាម។ បច្ចុប្បន្ន ជនសង្ស័យជនជាតិឡាវ រួមវត្តុតាង បានបញ្ជូនមកស្នងការនគរបាលខេត្ត ដើម្បីពិនិត្យជាក់ស្តែង និងកំពុងបន្តសំណុំរឿងបញ្ជូនទៅកាន់តុលាការ៕
