ភ្នំពេញ៖នាព្រឹក ថ្ងៃពុធ ៤កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី ១៧ ខែមីនា ឆ្នាំ២០២១នេះ ឯកឧត្តម អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ នៃគណៈកម្មាធិការកាកបាទក្រហមកម្ពុជា អមដំណើរដោយ លោក ឌី រ័ត្នខេមរុណ អភិបាលរង ខណ្ឌមានជ័យ និងជាប្រធានគណៈកម្មាធិការអនុសាខាកាកបាទក្រហម ខណ្ឌមានជ័យ បាននាំយកគ្រឿងឧបភោគ-បរិភោគ ចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសព លោក ឡៅ វណ្ណា ដែលបានទទួលមរណភាពកាលពីថ្ងៃ ទី១១ ខែមីនា ឆ្នាំ ២០២១ ក្នុងជន្មាយុ ៥០ឆ្នាំ ដោយសារជំងឺកូវីដ-១៩ ។
ក្នុងឱកាសនេះដែរ
លោក ឌី រ័ត្នខេមរុណ អភិបាលរង ខណ្ឌមានជ័យ បានលើកឡើងថា សូមក្រុមគ្រួសារនៃសព
លោក ឡៅ វណ្ណា និងកូនៗ កុំមានក្តីបារម្ភ និងអស់សង្ឃឹម អំពីជីវភាពគ្រួសារ
ក្នុងនោះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ
បានផ្តាំផ្ញើ លោកអភិបាលខណ្ឌមានជ័យ ជួយពិនិត្យថែទាំ
និងសម្រួលដល់ស្ថានភាពជីវភាពគ្រួសារសព ឲ្យបានសមរម្យផងដែរ ។
បន្ទាប់មក
ឯកឧត្ដម អ៊ុយ សំអាត បានពាំនាំនូវការផ្តាំសាកសួរសុខទុក្ខ
ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ប្រធានកាកបាទក្រហមកម្ពុជា បានសំដែងនូវសមាណទុក្ខដ៏ក្រៀមក្រំ សោកស្តាយ និង
អាលោះអាល័យជាទីបំផុត និង សូមបួងសួងដល់ដួងវិញ្ញាណក្ខន្ធ របស់លោក ឡៅ វណ្ណា
បានសោយសុខក្នុងទីឋានសុគតិភព កុំបីឃ្លៀងឃ្លាតឡើយ ។ ឯកឧត្ដម បានបន្តទៀតថា
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
តែងតែយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ
និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ
ពណ៌សម្បុរអ្វីទាំងអស់ ពោល “កាកបាទក្រហមកម្ពុជាមានគ្រប់ទីកន្លែង
សម្រាប់គ្រប់ៗគ្នា-មិនទុកនរណាម្នាក់ចោល“ ។
ក្នុងនោះ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា
បានចូលរួមរំលែកទុក្ខនូវ គ្រឿង ឧបភោគ ឧបភោគ មានដូចជា អង្ករ ២បាវ =
១០០គីឡូគ្រាម មី ៥កេស ត្រីខ ៥យួរ ភេសជ្ជៈ ៥កេស និងថវិកា ៥,០០០,០០០ ៛(
ប្រាំលានរៀល) ។