Tuesday, August 04, 2020

សារព័ត៌មាន ស្ពានដែក (www.speandak.com) យើងខ្ញុំ សូមស្វាគមន៍ បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"

សូមស្វាគមន៍ ចំពោះលោកអ្នកដែលបានចូលមកកាន់គេហទំព័រ ព័ត៌មានយើងខ្ញុំ



  (ខេត្តកំពង់ធំ) ៖ ផ្លូវក្រាលកៅស៊ូមួយខ្សែ ជាផ្លូវវាងប្រាសាទសំបូរព្រៃគុក ប្រវែង ១៣,៥គីឡូម៉ែត្រ ចេញពីភូមិចំណារ ឃុំសាលាវិស័យ ស្រុកប្រាសាទបល្ល័ង្ក ទៅកាន់ភូមិត្រពាំងជ្រូក ឃុំសំបូរ ស្រុកប្រាសាទសំបូរ ខេត្តកំពង់ធំ ត្រូវបានបើកការដ្ឋានស្ថាបនា នាថ្ងៃទី៣ ខែសីហា ឆ្នាំ២០២០ ដោយមានការអញ្ជើញចូលរួមពីលោកស្រី ភឿង សកុណា រដ្ឋមន្ត្រីក្រសួងវប្បធម៍ និងវិចិត្រសិល្បៈ ព្រមទាំងមន្ទីរពាក់ព័ន្ធជុំវិញខេត្ត។



លោក ផាន់ ណាឌី អគ្គនាយកអាជ្ញាធរជាតិសំបូរព្រៃគុក បានលើកឡើងថា ការស្ថាបនាផ្លូវមួយខ្សែនេះ ទទួលកសាង និងសាងសង់ដោយលោកឧញ៉ា លី ឈួង ក្រោមការចំណាយដោយថវិកាជាតិ។

លោកស្រី ភឿង សកុណា បានចាត់ទុកថា ផ្លូវមួយខ្សែនេះមានសារសំខាន់ណាស់ ដល់ការធ្វើចរាចរណ៍របស់ប្រជាពលរដ្ឋ ជាពិសេសរថយន្តដឹកធ្ងន់ និងរថយន្តធំៗ ពីព្រោះផ្លូវមួយខ្សែនេះជាផ្លូវ ចាក់កៅស៊ូ ហើយវាងខាងក្រៅតំបន់ប្រាសាទសំបូរព្រៃគុក ដើម្បីបញ្ចៀសការរញ្ជួយ ឬប្រេះស្រាំដល់តួរ ឬប្រាង្គប្រាសាទ ដើម្បីថែរក្សាកេរ្តិ៍ដំណែល និងស្នាដៃបុព្វបុរសខ្មែរជំនាន់មុន ដែលបាដាក់បញ្ចូលជាសម្បត្តិបេតិកភ័ណពិភពលោកកាលពីថ្ងៃទី៨ ខែកក្តដា ឆ្នាំ២០១៧ កន្លងទៅ។

លោកស្រីរដ្ឋមន្ត្រី ក៏បានអញ្ជើញចូលរួមជាអធិបតីក្នុងពិធីបញ្ចុះបឋមសិលាសាងសង់អគាររដ្ឋបាលអាជ្ញាធរជាតិសំបូរព្រៃគុក ដែលមានទំហំ ២៧ម៉ែត្រ x ៥០ម៉ែត្រ និងកម្ពស់៣ជាន់ ស្ថិតភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ តាមបណ្តោយផ្លូវជាតិលេខ៦២ (កំពង់ធំ-ព្រះវិហារ) ដើម្បីបម្រើសេវាដល់អ្នកទេសចរជាតិ ឬអន្តរជាតិចូលទៅ កមន្សាន្តនៅទីនោះ៕








សូមជូនពរបងប្អូនគិចផុតពីជម្ងឺកូវីដ ១៩ (កុំភ្លេច ៣ការពារ នឹង ៣កុំ)


ការិយាល័យព័ត៌មាន Tel: 070 968 168 - 097 4444 136