កំពង់ធំ ៖ ឧបាសក ហីុ ហុន នឹងឧបាសិការ យាន អម ព្រមទាំងកូនចៅទាំងអស់ បានមានសទ្ធាជ្រះថ្លា ប្រារពធ្វើបុណ្យកឋិនទាន ដើម្បីដង្ហែរទៅកាន់វត្ត ក្តីអណ្តែត ដែលស្ថិតនៅភូមិម្នាវ ឃុំ ស្រយ៉ូវ ស្រុកស្ទឹងសែន ខេត្តកំបង់ធំ។ ពិធីបុណ្យនេះបានប្រព្រឹទទៅនៅល្ងាចថ្ងៃសៅរ៏ទី០៣ខែ១១ឆ្នាំ២០១៨ ពេលល្ងាចរៀបចំសូត្រមន្តទៅតាមបែបបទនៃព្រះពុទ្ធសាសនា នឹងមានរៀបអាហារជូនចាស់ក្មេងដែលបានទៅចូលរួមក្នុងពិធីបុណ្យនេះផងដែរ។ លុះយប់ឡើងក៏មានតន្ត្រីសមយ័គឺធុងបាស់ ចាក់ជូនបង ប្អូនកូនក្មួយរាំលេងជាការកំសាន្តក្នុងពេលរាត្រីដល់ម៉ោង១២យប់។
កឋិនទាន គឺជាបុណ្យអ្វី? កឋិនទាន គឺជាបុណ្យមួយ ដែលមានតែក្នុងព្រះពុទ្ធសាសនាប៉ុណ្ណោះ និងជាទានមានមកតាមផ្លូវព្រះវិន័យ ហើយក៏ជាកាលទានដ៏ពិសេសមួយមានកំណត់ពេលវេលាច្បាស់លាស់ ពុំមែនចេះតែធ្វើនៅពេលណា ក៏បានតាមចិត្តចង់នោះឡើយ។ គឺរយៈកាលទទួលកឋិនទានក្ដី និងរយៈកាលកឋិនទានក្ដី អាចធ្វើបានតែក្នុងសម័យតែ ១ខែគត់ (២៩ថ្ងៃ) ចាប់ពីថ្ងៃ ១រោច ខែអស្សុជ ដល់ថ្ងៃ១៥កើត ខែកត្តិក ។
បព្វជិតក៏ដោយ គ្រហស្ថក៏ដោយ អាចធ្វើកឋិនទានបានដូចគ្នា។ ព្រះពុទ្ធជាម្ចាស់ ទ្រង់អនុញ្ញាតឲ្យភិក្ខុសង្ឈទទួលកឋិន ហើយភិក្ខុធ្វើកឋិនត្ថារកិច្ច គឺក្រាលគ្រង....អនុមោទនាកឋិននោះ ដើម្បីសម្រាលនូវទុក្ខលំបាក ក្នុងការប្រើប្រាស់បច្ច័យមួយចំនួន ដូចជា ត្រៃចីវរ អាហារភោជន និងលាភសក្ការៈផ្សេងៗ ដែលកើតមានដល់សង្ឃ ហើយការសម្រាល ទុក្ខនេះទៀតសោត ក៏បានតែត្រឹមរយៈកាល ៥ខែ និងបានចំពោះតែភិក្ខុ ដែលចូលបុរិមិកាវស្សា អស់ត្រីមាស បានត្រឹមត្រូវ មិនដាច់វស្សានោះឯង។
ម្យ៉ាងទៀត ការធ្វើកឋិន លោកសំដៅយកតែចីវរបច្ច័យ គឺអ្នកធ្វើកឋិន មានសំពត់ត្រឹមតែអាចធ្វើស្បង់មួយ ក៏អាចធ្វើកឋិនបានដែរ ព្រោះលោកទទួលក្រាលកឋិន ក្នុងចំណោមត្រៃចីវរ (ស្បង់១ ចីវរ១ សង្ឃាដី១) គឺក្រាលបានតែ ១មុខប៉ុណ្ណោះ បើក្រាលដល់ទៅពីរមុខ មិនឡើងជាកឋិនឡើយ លោកហៅថា ខូចកឋិន ឬ កឋិនត្ថារវិបត្តិ។
ដោយលោក ជា ឡុង
Tags:
ព័ត៌មានជាតិ