សមត្ថកិច្ចឃាត់ខ្លួនជនជាតិចិនម្នាក់ជាមួយ ថ្នាំញៀន៩កញ្ចប់និងសម្ភារៈប្រើប្រាស់ចំនួន

ខេត្តព្រះសីហនុ៖ កម្លាំងការិយាល័យនគរបាលប្រឆាំងគ្រឿងញៀនខេត្តព្រះសីហនុ បានចុះបង្ក្រាបបទល្មើសគ្រឿងញៀន ឃាត់ខ្លូនជនសង្ស័យម្នាក់ជាជនជាតិចិន កាលពីវេលាម៉ោង២យប់រំលងអាធ្រាត្រឆ្លងចូលថ្ងៃទី៤ ខែតុលា ឆ្នាំ២០១៨ នៅក្រុម៩ភូមិ០១សង្កាត់លេខ៣ ក្រុងព្រះសីហនុ។

 វត្ថុតាងដកហូតបានរួមមានម្សៅក្រាមពណ៍សរថ្លាសង្ស័យជាសារធាតុញៀនចំនួន៩ កញ្ចប់ធំ,ថ្នាំញៀនប្រភេទគ្រាប់WY ចំនួន៥ គ្រាប់, ប្រភេទថ្នាំសប្បាយចំនួន៦គ្រាប់ ទូស័ព្ទ១គ្រឿង និងសម្ភារៈប្រើប្រាស់គ្រឿងញៀនមួយចំនួនទៀត។

 ករណីខាងលើនេះ នគរបាលកំពុងសាកសួរ សាវតារបស់ជនសង្ស័យបន្ថែមតាមនិតិវិធីដើម្បីរៀបចំសំណុំរឿងបញ្ជូនទៅសាលាដំបូងខេត្តដើម្បីផ្តន្ទាទោសតាមច្បាប់។