ពោធិ៍សាត់៖ បើកបរខ្វះការប្រុងប្រយ័ត្នបង្ករជាគ្រោះថ្នាក់ចរាចរណ៍កើតឡើងដែលបង្ករដោយរថយន្តធុនធំមួយគ្រឿងម៉ាកហុីណូពណ៍ក្រហមពាក់ផ្លាកលេខតាកែវ3A2410បើកមកប៉ះកន្ទុយរថយន្តធុនធំដូចគ្នាពណ៍សពាក់ផ្លាកលេខភ្នំពេញ3B8232របស់ក្រុមហ៑ុនដឹកប្រេងតេលារួចជ្រុលចង្កូតទៅបុករថយន្តធុនតូចម៉ាកត្រៃតុនពណ៍សពាក់ផ្លាកលេខរដ្ឋ61-80034បណ្តាលឱ្យរថយន្តទាំងបីគ្រឿងរងការខូចខាតតិចនិងច្រើនប៉ុន្តែមិនបង្កឱ្យមានគ្រោះថ្នាក់ដល់មនុស្សនោះទេ។
ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង៩និង៣៥នាទីព្រឹក ថ្ងៃទី២៦ ខែកញ្ញា ឆ្នាំ២០១៨ នៅលើផ្លូវជាតិ៥ចន្លោះគីឡូម៉ែត្រលេខ២០១_២០២ស្ថិតក្នុងភូមិឃុំត្រពាំងជង ស្រុក បាកាន ខេត្តពោធិ៍សាត់។ លោក នាង វុធ អធិការនគរបាលស្រុកបាកាន ប្រាប់ឱ្យដឹងថា រថយន្តទាំងបីគ្រឿងខាងលើសុទ្ធតែខូចខាតដូចគ្នាគ្រាន់តែតិចនិងច្រើនប៉ុន្តែសំណាងល្អដែរគ្មានអ្នករងរបួស។
លោកថានៅមុនពេលកើតហេតុ គេឃើញរថយន្តក្រុមហ៑ុនដឹកប្រេងតេលាបើកបរក្នុងទិសដៅពីកើតទៅលិចហើយរថយន្តម៉ាកត្រៃតុនបើកមកតាមក្រោយស្របទិសគ្នាមកដល់ចំណុចកើតហេតុខាងលើស្រាប់តែរថយន្តម៉ាកហុីណូបើកបញ្រ្ជាសទិសគ្នាពីលិចមកកើតមិនដឹងជាយ៉ាងម៉េចវេចង្កូតមកប៉ះកន្ទុយរថយន្តហុីណូរួចជ្រុលចង្កូតទៅបុករថយន្តម៉ាកត្រៃតុនបន្តទៀតបណ្តាលឱ្យរថយន្តទាំងបីគ្រឿងខូចខាតដូចគ្នាគ្រាន់តែតិចនិងច្រើនប៉ុន្តែលោកថាសំណាងហើយនៅពេលកើតហេតុមិនសូវមានអ្នកធ្វើដំណើរមមាញឹក។
Tags:
ព័ត៌មានជាតិ